ვიზიტი კომპანია Rulopak Georgia-ში

პანდემიის პერიოდში გახსნილი კომპანია Rulopak Georgia რესტორნებს, კაფეებს, სასტუმროებსა და თბილისის აეროპორტს აწვდის ქაღალდის პროდუქციასა და საწმენდ და ჰიგიენურ საშუალებებს.
ამის გარდა, ახორციელებს ტექნიკის ბრენდ FAKİR-ის სამრეწველო საწმენდი მანქანებისა და Nilco-ს ბრენდის სამრეწველო გამოყენების საწმენდი საშუალებების დისტრიბუციას.
მეორე კომპანია – IC Chemistry, რომელიც 8 ქვეყანაში არის წარმოდგენილი, ახორციელებს სასმელი წყლის დაქლორვა-დეზინფექციისა და ჩამდინარე წყლების გაწმენდის სერვისს.
ამის გარდა კომპანიას საქართველოს 10 ქალაქში დაყენებული აქვს წყლის ინოვაციური მრიცხველები, მოწყობილი აქვს მილსადენების სისტემები და წყლის ტუმბოები.
ბატონმა ინანჩმა გვიამბო მისი სტუდენტური ცხოვრებისა და პროფესიული საქმიანობის დასაწყისის შესახებ.
ბატონმა ჯოშქუნმა განაცხადა, რომ კომპანია რულოპაკის მიზანია იმპორტიდან ადგილობრივ წარმოებაზე გადასვლა. მან ასევე მოგვცა რჩევები ასოციაციის სერვისებთან დაკავშირებით.
გვინდა აღვნიშნოთ, რომ ასოციაციისათვის საამაყოა ბატონ ინანჩის მსგავსი წარმატებული ბიზნესმენების ხილვა წევრებს შორის.