2024 წლის 13 თებერვალს გურთიადის თავმჯდომარე და მმართველი საბჭოს წევრები ეწვივნენ TAV Georgia-ს გენერალურ დირექტორს, ქალბატონ თეა ზაქარაძეს, რომელიც უკვე 19 წელია, TAV Georgia-ში მოღვაწეობს.
TAV Holding-ი, რომელმაც საქართველოს საავიაციო ისტორიაში ახალი ფურცელი გადაშალა, არის ADP ჯგუფის (Aeroports de Paris) წევრი და აერთიანებს კომპანიებს: ATÜ, BTA, TAV IT და TAV Operation Services, რომელთაც პროფესიონალი მენეჯერები უძღვებიან.
TAV Georgia-ს, რომელიც თბილისსა და ბათუმში ასაქმებს 1500 ადამიანს, 2027 წელს ეწურება თბილისის აეროპორტის მართვის ვადა.
TAV-ი, ADP ჯგუფთან ერთად 125 აეროპორტს მართავს; კომპანია ცდილობს, რომ დაგროვებული ცოდნა და მატერიალური რესურსები მიმართოს თბილისში საავიაციო სერვისებისა და ინვესტიციების განვითარებაზე. საქართველოს, თურქეთისა და საფრანგეთის – სამი ქვეყნის დროშის გამაერთიანებელი TAV Holding-ის საქართველოში ფუნქციონირება ყველასათვის საამაყოა.
TAV Holding-ი შუა აზიიის ქვეყნებშიც აგრძელებს ინვესტიციის განხორციელებას.
გურთიადის სახელით, TAV Georgia-ს ვუცხადებთ ჩვენს მხარდაჭერას და ვუსურვებთ ინვესტიციების წარმატებულად გაგრძელებას.
ქალბატონ თეა ზაქარაძესა და მმართველ გუნდს; გენერალური დირექტორის მოადგილეებს, ბატონ მურათ ჯევჰერსა და ბატონ ონურ შათირს მადლობას ვუხდით გულთბილი შეხვედრისათვისა და მხარდაჭერისათვის და ვუსურვებთ წარმატებებს მომავალში.
